खाजगी डाॅक्टर व वैद्यकीय सेवा देणाऱ्यांनी सामाजिक जबाबदारीचे भान ठेवून कार्य करावे. पर्यावरण राज्यमंत्री ना. संजयजी बनसोडे
खाजगी डाॅक्टर व वैद्यकीय सेवा देणाऱ्यांनी सामाजिक जबाबदारीचे भान ठेवून कार्य करावे.
कोरोनाच्या पार्श्‍वभूमीवर उदगीर शहरातील खाजगी डाँक्टर व वैद्यकीय सेवा देणार्‍यांनी या आणीबाणी च्या प्रसंगी सामाजिक भान ठेवून प्रशासनास सहकार्य करावे असे मत राज्याचे राज्यमंत्री संजय बनसोडे यांनी व्यक्त केले.
खाजगी डाँक्टर व वैद्यकीय सेवा उपलब्ध करून देणारे यांच्या सोबत उदगीर येथे बैठक घेण्यात आली. यावेळी खाजगी डॉक्टरांना येणाऱ्या समस्या बाबतही चर्चा करण्यात आली.
यावेळी वैद्यकीय उपसंचालक डॉ माले,जिल्हा शल्यचिकित्सक डॉ संजय ढगे, जिल्हा आरोग्य अधिकारी डॉ गंगाधर परगे, वैद्यकीय अधीक्षक डॉ. पवार, धन्वंतरी आयुर्वेदिक महाविद्यालयाचे प्राचार्य डॉ. पाटील, इंडियन मेडिकल असोसिएशन अध्यक्ष डॉ. माधव चंबुले, लॉयन्स नेत्र रूग्णालयाचे डॉ. रामप्रसाद लखोटीया, माजी आमदार सुधाकरराव भालेराव, राष्ट्रवादी काँग्रेस पक्षाचे प्रदेश सरचिटणीस बस्वराज पाटील नागराळकर, काँग्रेस जिल्हाध्यक्ष अध्यक्ष व्यंकट बेद्रे, उपजिल्हाधिकारी प्रविण मेंगशेट्टी , उपविभागीय पोलीस अधिकारी मधुकर जवळकर, तहसीलदार व्यंकटेश मुंढे, नगरपालिका मुख्याधिकारी भरत राठोड, गटविकास अधिकारी अंकुश चव्हाण उपस्थित होते.
कोरोना या साथरोगास नियंत्रण ठेवण्यासाठी शासन मोठ्या प्रमाणावर प्रयत्न करीत आहे. ही आणीबाणीची परिस्थिती आहे या काळात राज्यातील सर्व शासकीय यंत्रणा दिवस रात्र काम करीत आहे या परिस्थितीत खाजगी वैद्यकीय सेवा उपलब्ध करून देणार्‍या डॉक्टरांनी आपले सहकार्य द्यावे.
कोरोनाच्या पार्श्‍वभूमीवर उदगीर तालुक्यात भविष्यात कोरोना हॉस्पिटल, कोरोना मोबाईल व्हॅन ,फेव्हर क्लिनिक उभे करण्यासाठी सहकार्य व योगदान द्यावे. या परिस्थितीत डॉक्टर यांना लागणार्या सोयी सुविधा उपलब्ध करून देण्यात येणार आहेत.
यासाठी निधीची कमतरता भासणार नाही याची दक्षता घेतली जाणार आहे . खाजगी डॉक्टर यांनी आपली सेवा बंद करु नये असे निर्देश यावेळी राज्याचे राज्यमंत्री संजय बनसोडे यांनी दिले.